بيتزا بالعجينة المورقة

طريقة تحضير العجينة مورقة 

المقادير:

*750غ فرينة
*4ملاعق كبار زيت
*1ملعقة كبيرة خل ابيض
*500غ زبدة spécial feuilletage
*1/2 لتر ماء بارد

*ملح حسب الرغبة
طريقة التحضير :
1-ديري الفرينة و الملح
2-من بعد الزيت و الخل
3-الماء ارمي بشوية حتى تتلم العجينة ماشي نص لتر تدخل كامل كل خطرى كيفاش على حساب الفرينة
4-حاولي تقصيها بالسكين على 4 كيما في التصويرة
5- غطيها بكيس بلاستيكي و خليها تريح ربع ساعة يلزم 
6 -كي تريح حليها كيما في الصورة 
7-هديك الزبدة يلزم تكوني خرجتيها 24 ساعة من قبل يلزم باش تنجحي
8-ديري الزبدة في كيس بلاستيكي و اعطيها طريحة بالحلال شوفي كيما في الصورة 
-9ديري الزبدة في وسط العجينة 
10-و من بعد اطويها كي البرية شوفي الصورة تفهمي 
11-حليها بالطول
-12 ا هنا حلي عينيك مليح اطوي العجينة كي permis de conduire 
13 -و عاودي حليها بالطول
14 - و نعيد طيها على 4 يحيث نجمع الجانبين الى الوسط كما هو مبين في الصورة 
15 -من بعد عاودي اطويها كيما في الاول كي permis de conduire و خليها تريح ربع ساعة يلزم من بعد ديريها في كيس بلاستيكي غطيها مليح ok و خليها تريح هادا يسميوه Double tour
16-زيدي عاودي كيما في الاول والتاني وخلااااااااااااص راكي درتي و نجحتي و جبتي لpermis 




طريقة التحضيرالحشو :

المقادير : 

-الكفتة أوالدجاج واللي موجود في البيت 
-الزيتون مقطع 
-فرماج
-ملح و توابل

نقلي البصل مليح مع ملح و فلفل لما يدبل نضيف الكفتة او الدجااج نقلوها مليح ومن بعد الطماطم ونقليها على نار هادية ولما تنضج نتركها تبرد شوية ..

mmmmm raw3a

اووووووووووه يا عيني يا عيني هشام ولا طباخ يسلمو يا الشاف على البيتزا شكلها حلو و باينة طعمها اروع ممكن تجيبلي وحدة للدار ههههههههههههههههه

واااااااااااو روووووووووعة راك وليييتي خييير مني  في الطبخ 
مشكووووووووووووور

العفوووووووو يا هشاااااام